CCanna - Earraí ar ais
Cheannaigh mé ceamara sa Spáinn ach bhí sé lochtach. Tá an díoltóir chun é a dheisiú. Cé a chaithfidh an costas chun é a sheoladh ar ais a íoc?
Laistigh de 2 bhliain ón dáta ceannaigh, ní mór táirgí lochtacha a dheisiú nó táirge ionaid a thabhairt gan aon chostas ar an tomhaltóir. Tá costais loingseoireachta san áireamh leis sin.
Cad é an ‘tréimhse mharana’?
Ciallaíonn sé go bhfuil 14 lá agat de réir an dlí chun intinn a athrú tar éis duit rud éigin a cheannach (bíodh sé ar líne, ar an bhfón nó lasmuigh de shiopa ar shlí eile). Téann an tréimhse mharan in éag 14 lá tar éis an lá a fuair tú na hearraí, nó i gcás conarthaí seirbhíse, 14 lá tar éis duit an conradh a chur i gcrích. Má théann an tréimhse mharana in éag ar lá nach lá oibre é, cuirtear síneadh leis go dtí an chéad lá oibre eile.
Níl an tolg a cheannaigh mé ar líne uaim a thuilleadh agus ba mhaith liom tarraingt siar as an gconradh díolacháin. Cé a chaithfidh íoc as an tolg a sheoladh ar ais chuig an díoltóir?
Ní mór do na díoltóirí thú a chur ar an eolas roimh ré má bhíonn siad ag súil leis go n-íocfaidh tú chun na hearraí a sheoladh ar ais faoin gceart chun tarraingt siar 14 lá. Murar chuir siad ar an eolas thú roimh ré, beidh sé de cheangal ar an díoltóir íoc as an gcostas chun é a sheoladh ar ais. Má cheannaigh tú rud éigin mór cosúil le tolg, ní mór don díoltóir meastachán a thabhairt duit den chostas a bhainfidh lena sheoladh ar ais sula gcuirfidh tú an díolachán i gcrích.