Comhordaitheoir Eorpach na hÓige
Ról Chomhordaitheoir Eorpach na hÓige
Mhol an Coimisiún Eorpach ról Chomhordaitheoir Eorpach na hÓige a bhunú agus é d’aidhm aige feabhas a chur ar chomhar trasearnála, chomh maith le forbairt agus malartú eolais maidir le saincheisteanna óige sa Choimisiún Eorpach.
Ba dhíol sásaimh don Chomhairle an rún sin sa Rún ón gComhairle maidir le Straitéis Óige an Aontais Eorpaigh 2019-2027, agus thug sí dá haire gur cheart do Chomhordaitheoir Eorpach na hÓige oibriú i gcomhar le geallsealbhóirí éagsúla chun cumarsáid chomhleanúnach a chinntiú le daoine óga.
Sna Conclúidí uaithi an 29.11.2023, chuir an Chomhairle príomhshruthú na hóige chun cinn i bpróisis chinnteoireachta beartas san Aontas Eorpach. D’iarr sí ar an gCoimisiún Eorpach ‘dearcadh na hóige a phríomhshruthú agus beartais á gceapadh, á gcur chun feidhme, á bhfaire agus á meas, an dearcadh sin a chur i bhfeidhm i ngach réimse a bhaineann le saol na ndaoine óga, agus Comhordaitheoir Eorpach na hÓige a rannpháirtiú sa mhéid sin de réir mar is iomchuí ar leibhéal an Aontais.’
Cad a dhéanann Comhordaitheoir Eorpach na hÓige?
Éascaíonn Comhordaitheoir Eorpach na hÓige Líonra Óige an Choimisiúin ina bhfuil chomhfhreagraithe don óige ó gach cearn den Choimisiún, agus déanann sé cathaoirleacht ar Ghrúpa an Aontais um Páirtithe Leasmhara na hÓige.
Déanann an Comhordaitheoir an méid seo a leanas:
- spreagann sé peirspictíochtaí na hóige (ionchur san áireamh a fhaightear trí Idirphlé an Aontais leis an Aos Óg) a chomhtháthú sna beartais ábhartha uile,
- neartaíonn sé an comhar agus an comhordú idir seirbhísí an Choimisiúin atá ag obair ar shaincheisteanna a bhaineann leis an óige agus
- músclaíonn sé feasacht maidir le deiseanna san Aontas do dhaoine óga.
Samplaí de ghníomhaíochtaí Chomhordaitheoir Eorpach na hÓige
I mí an Mheithimh 2021 ceapadh Biliana Sirakova ina Comhordaitheoir Eorpach na hÓige, agus ba í an chéad duine sa ról sin riamh í.
Idirphlé Beartais leis an Aos Óg in éineacht leis an gCoimisinéir Iliana Ivanova le linn Sheachtain Eorpach na hÓige 2024, arna mhodhnú ag Comhordaitheoir Eorpach na hÓige Biliana Sirakova. © An tAontas Eorpach, 2024
Anseo thíos gheobhaidh tú liosta neamh-uileghabhálach de ghníomhaíochtaí Sirakova.
2025
- Rinne sí ionadaíocht don Choimisiún ag Comhdháil Óige an Aontais in Lublin arna heagrú ag Uachtaránacht na Polainne ar Chomhairle an Aontais Eorpaigh
- Bhí sí ina heochairchainteoir sa chlár ceannaireachta ar líne ‘Europe 101’ do dhaoine óga
- Rinne sí an tIdirphlé Beartais leis an Aos Óg in éineacht leis an gCoimisinéir Jørgensen a mhodhnú: Todhchaí fuinnimh ghlan inbhuanaithe chothrom a mhúnlú
- Ba í an cainteoir clabhsúir í ag an imeacht ‘Leatsa an Eoraip, Abair Leat!’ 2025, imeacht suaitheanta óige Choiste Eacnamaíoch agus Sóisialta na hEorpa (CESE)
- Labhair sí ag Seimineár Gníomhaíochais AE de chuid Aontas Eorpach na Mac Léinn Giúdach (EUJS)
- Chuir sí le próiseas comhchruthúcháin na Straitéise nuaí maidir le cothroime idirghlúine
2024
- Chuir sí comhairle ar Ard-Stiúrthóireachtaí agus seirbhísí maidir le saincheisteanna beartais óige agus maidir le gníomhaíochtaí rannpháirtíochta óige a bhunú agus iad a nascadh le páirtithe leasmhara óige (e.g. AS ENER/CINEA maidir le líonra na nAmbasadóirí Óga Fuinnimh a chur ar bun, agus an Ghníomhaireacht um Chearta Bunúsacha maidir le Painéal Comhairleach Óige a bhunú)
- Ba í a bhí i gceannas ar bhunú Líonra Óige na gcomhfhreagraithe óige sa Choimisiún
- Ba í a bhí i gceannas ar ullmhú agus ar bhunú Grúpa nua an Aontais um Páirtithe Leasmhara na hÓige
- Ba í a bhí i gceannas ar bhunú an phróisis nua seiceála óige sa Choimisiún Eorpach
- Thug sí faoi 88 ngníomhaíocht for-rochtana agus cumarsáide (cainteanna a thabhairt ag comhdhálacha, imeachtaí agus painéil, agus ceardlanna agus cuir i láthair a reáchtáil do dhaoine óga agus d’eagraíochtaí óige)
- Rinne sí ionadaíocht don Choimisiún i Seimineár Saineolaithe maidir le cláir oibre beartais Eorpacha agus idirnáisiúnta maidir le Leanaí, an Óige agus Cearta Leanaí agus Comhdháil Óige an Aontais in Gent, arna eagrú ag Uachtaránacht na Beilge ar Chomhairle an Aontais Eorpaigh; sa seimineár maidir le hIdirphlé an Aontais leis an Aos Óg faoi Uachtaránacht na hUngáire agus i seisiún iomlánach CESE i mí na Bealtaine i ndíospóireacht maidir le ‘Guthanna na hÓige le haghaidh roghanna an Aontais’
- Bhí sí ina painéalaí ag seoladh an staidéir beartais ‘From Posts to Polls’ le Friedrich-Ebert-Stiftung (FES)
- Rinne sí an t-idirphlé beartais leis an aos óg in éineacht leis an gCoimisinéir Ivanova, ‘Céim Eorpach agus Soghluaisteacht Foghlama’, a mhodhnú (taifeadadh)
- Chuir sí le Seachtain Eorpach na hÓige 2024 agus bhí sí ina painéalaí ag seisiún Choiste na Réigiún maidir leis ‘an Óige agus an Daonlathas’
- Chuir sí le foilseachán maidir le príomhshruthú na hóige
2023
- Ba í a bhí i gceannas ar an Teachtaireacht ón gCoimisiún maidir le Bliain Eorpach na hÓige a ullmhú
- Chuir sí saineolas agus maoirseacht beartais ar fáil sa mheastóireacht ar thorthaí Bhliain Eorpach na hÓige
- Thug sí níos mó ná 100 gníomhaíocht for-rochtana i gcrích. Samplaí: Leatsa an Eoraip, Abair leat! (2023), agallamh le Radio Romania International, Seimineár bliantúil idir Ceannairí Óga an Aontais agus na Stát Aontaithe, sainphlé digiteach oscailte: Ceapadh beartas do chách, comhdháil Chlár Forbartha na Náisiún Aontaithe maidir leis an Ráthaíocht don Aos Óg
- D’eagraigh sí 2 chruinniú de Líonra Óige an Choimisiúin agus 2 chruinniú de ghrúpa comhordaitheoirí náisiúnta agus páirtithe leasmhara Bhliain Eorpach na hÓige, agus rinne sí cathaoirleacht ar na cruinnithe sin
- Rinne sí modhnú ar 5 idirphlé beartais leis an aos óg in éineacht le Coimisinéirí
- Rinne sí ionadaíocht don Choimisiún in imeacht oidhreachta Uachtaránacht na Sualainne ar Chomhairle an Aontais Eorpaigh maidir le príomhshruthú na hóige
- Thaifead sí físeán don ollchúrsa oscailte ar líne maidir le bunriachtanais bheartas na hÓige
- Bhí sí ina cainteoir agus ina rannpháirtí i gComhdháil Óige an Aontais Eorpaigh in Alicante, arna heagrú ag Uachtaránacht na Spáinne ar Chomhairle an Aontais Eorpaigh
2022
- Thug sí faoi níos mó ná 150 gníomhaíocht for-rochtana (cainteanna a thabhairt ag comhdhálacha, cruinnithe le daoine óga agus páirtithe leasmhara, podchraoltaí, agallaimh, físeáin). Samplaí: podchraoladh le Eurodesk, seisiún ar líne le Institute for a Greater Europe, físeán le haghaidh chomhdháil bhliantúil Housing Europe in Heilsincí, seimineár gréasáin comhpháirteach de chuid an Choimisiúin Eorpaigh, Eurofound agus na hEagraíochta Idirnáisiúnta Saothair (EIS), comhdháil de chuid Youth in the Northern Periphery and Arctic, Lá an Tionscnaimh Eorpaigh ó na Saoránaigh
- Ba í a bhí i gceannas ar an ullmhúchán do 5 chruinniú, agus í ina cathaoirleach orthu, de chuid Líonra Óige an Choimisiúin, agus 11 chruinniú de chuid ghrúpa comhordaitheoirí náisiúnta agus páirtithe leasmhara Bhliain Eorpach na hÓige
- Rinne sí modhnú ar 9 n-idirphlé beartais leis an aos óg in éineacht le Coimisinéirí
Meán Fómhair – Nollaig 2021
- Bhí sí ar dhuine de na ceannairí foirne i dtascfhórsa Bhliain Eorpach na hÓige 2022 a bhí freagrach as rannpháirtíocht na gcomhordaitheoirí náisiúnta agus na bpáirtithe leasmhara óige agus as an bhfor-rochtain sheachtrach agus inmheánach sa Choimisiún
- Bhunaigh sí Líonra Óige neamhfhoirmiúil de chuid an Choimisiúin ar a raibh ionadaithe ó 15 Ard-Stiúrthóireacht
- Rinne sí níos mó ná 80 gníomhaíocht for-rochtana agus cumarsáide, cainteanna agus agallaimh ina measc. Samplaí: caint ar líne faoi rannpháirtíocht na hóige le haghaidh Schwarzkopf-Stiftung Junges Europa, cur i láthair ag ALL DIGITAL SUMMIT Social Hackademy, agallamh ag Bundesregierung.de, agallamh ag fse.gouv.fr, aoi sa phodchraoladh ‘Under 30’ de chuid na Comhpháirtíochta Óige idir an tAontas agus Comhairle na hEorpa
- Thaifead sí físeán le haghaidh oiliúint ghinearálta ar líne an Chóir Dlúthpháirtíochta Eorpaigh.
An Coimisinéir Marya Gabriel (ar dheis) agus Comhordaitheoir Eorpach na hÓige Biliana Sirakova © An tAontas Eorpach, 2021
