Xi rwol għandu l-PE fil-baġit tal-UE? 

Il-Parlament jistabbilixxi l-baġit annwali tal-UE flimkien mal-Kunsill. Madankollu, il-baġits annwali jridu jikkonformaw mal-parametri stabbiliti fil- “qafas finanzjarju pluriennali” ta’ seba’ snin tal-UE. Dan il-baġit fuq terminu twil jeħtieġ l-approvazzjoni tal-Parlament biex jiġi adottat.

Il-PE għandu wkoll rwol kruċjali fl-iskrutinju tal-infiq tal-baġit tal-UE permezz tal-“proċedura ta’ kwittanza” annwali.

B’segwitu għar-rakkomandazzjonijiet tal-Kunsill, il-PE japprova l-kontijiet annwali u jagħmel rakkomandazzjonijiet biex titjieb il-ġestjoni tal-baġit, jivverifika jekk il-Kummissjoni Ewropea tirrispettax il-prinċipji tal-ġestjoni finanzjarja tajba u timxix mar-regoli u mar-regolamenti stabbiliti dwar l-infiq.

Il-Parlament jagħti approvazzjoni separata għall-ġestjoni tal-baġit ġenerali lill-istituzzjonijiet tal-UE, lill-aġenziji deċentralizzati u lill-impriżi konġunti.