Krib
Rag usyansow erel, y hweller Krib (Klerheans)
Krib ew toul densek rag restra po digabma gols. Usys veu kribow a-dhia osow kensistorek. Diskudhys veu ensamplow dhort Iran dedhyes dhe 3,000 KOK. Kribow a gonsist a welen ha dens warnedhi. Gwres enjei dhort niver a dhevnydhyow dyffrans, plastek, olkan po predn ew an moyha kebmyn lebmyn, bes usys veu dans olifans po krogen kronek ervys e'n oos eus passyes. Aga shap po myns a greg war aga usyans.
Usys ew kribow rag lies porpos. E'n termyn eus passyes, usys enjei dhe synji gols hir en y le. En diwysyans, usys enjei dhe dhiblansa fibrow koton dhort has ha taklow erel. Usys enjei gen kresluyow dhe guntel samplow gols rag dustuni.
Krib Afro
[golegi | pennfenten]Usys ew an ehen ma a grib war wols krullys tedn, po gis Afro. Dens hir pell a-les ew gnasow an krib ma.
Krib nedh
[golegi | pennfenten]Ema dhe'n ehen ma a grib meur a dhens pur ogas dh'y gila. Henwys ew avel man-grib, hag hy a yel remova nedh po hwadn dhort gols.
Musek
[golegi | pennfenten]Gwres ew sonyow dre rei paper dres krib ha hwetha der ev. Askorrys ew son haval dhe kazoo.
-
Krib blastek arnowydh
-
Lymnans gen Dante Gabriel Rossetti - Benyn ow kribas hy gols
-
Kribow Afro
-
Krib dhort Ejyp a'n 15ves kansbledhen KOK
-
Krib nedh
